اسي مقري خلي المغاربة في التقار وسير نقي دارك اللولة

الكاتب: سعيد الوردي آ السي مقري، راك دخلتي بواحد الرجلين فموضوع ماشي ديالك، وجيتي كتحرض المغاربة باش يثوروا على نظامهم، بحال اللي حنا خدامين عندك فشي مطعم سياسي وكتعطينا الوصفات من تندوف ولا من العاصمة. واش هادي هي الغيرة على فلسطين؟ ولا حب الظهور فوسائل التواصل؟ راك ناسي ولا متناسي بأن المغاربة ماشي قُصّر، وكيعرفو مزيان شكون مع فلسطين بالنية، وشكون كيركب على موجتها باش يصفي حسابات سياسية. المغاربة خرجوا بالملايين فالشوارع، وعبّروا على رفضهم للتطبيع، وما كان لا قمع لا اعتقال، عكس بلادك اللي حتى الوقفة قدام الجامعة كيعتبروها مؤامرة. وزيد، واش نسيت بأنك جاية من حركة كانت كتلعب دور "المعارضة الموالية"، ودافعت على النظام العسكري الجزائري، وكنتوا كتقولو على البوليساريو أنهم إخوتكم، وكتدافعو على مشروع كيقسم المغرب؟ آ السي مقري، قبل ما تهضر على الثورة فالمغرب، ناضل باش الشعب ديالك يقدر يعبر على رأيه بلا ما يتخاف من البوليس، بلا ما يتكمش فداره، وبلا ما يخاف من السجن. المغرب، رغم كل شيء، باقي واقف، وبشهادة العدو قبل الصديق، وخا عندنا اختلافات داخلية، عندنا مؤسسة ملكية عندها جذورها فالتاريخ، والمغاربة كيعتبروها جزء من هويتهم. نصيحة من القلب: نقّي دارك، ودير جهدك باش توقف مع الحرية والديمقراطية فبلادك، وخلي علينا النصائح المغلفة بالتحريض. القضية الفلسطينية ماشي سُلّم باش يطلع عليه كل من أراد الشهرة أو تصفية الحسابات. ودعم فلسطين لا يعني بالضرورة التحريض على أنظمة أخرى، خصوصاً عندما يكون البيت الداخلي هشاً. المغاربة، أحرار في مواقفهم، وسياديون في قراراتهم، ولن يقبلوا الوصاية من أحد.